Chwaraeon Cymru

Meini prawf

Nod y buddsoddiad hwn o hyd at £15,000 yw helpu sefydliadau cymunedol i ariannu torfol ar gyfer gwaith cyfalaf (adeiladu neu adnewyddu) a fydd yn gwella lleoedd yn eu hardal leol, er mwyn galluogi pobl i gael gwell profiad, er mwyn sicrhau bod cyfleusterau'n fwy cynaliadwy yn amgylcheddol ac yn ariannol.

Mae'r arian cyfatebol hwn wedi'i gynllunio i helpu grwpiau cymunedol i gyflwyno prosiect i greu, gwella neu ailddatblygu lle cymunedol ar gyfer chwaraeon.

I fod yn gymwys i wneud cais, rhaid i sefydliadau fod yn:

• Sefydliadau dielw yn y sector elusennau, y gymuned, gwirfoddol a mentrau cymdeithasol sy'n darparu chwaraeon a/neu weithgarwch corfforol yn eu cymuned.
• Er budd pobl sy'n byw yng Nghymru.
• Chwilio am fuddsoddiad ar gyfer cyfleusterau mewnol neu allanol / gwaith moderneiddio .
• Cynnwys y gymuned leol wrth ddatblygu a chyflawni eu prosiect.

Nid yw'r canlynol yn gymwys i gael cyllid:

• Unigolion neu unig fasnachwyr
• Busnesau neu bartneriaethau er elw
• Ysgolion, colegau a phrifysgolion
• Darparwyr chwaraeon masnachol a gweithgarwch corfforol, e.e. campfeydd preifat
• Gweithredwyr hamdden gan gynnwys ymddiriedolaethau hamdden
• Y sefydliadau hynny sydd eisoes wedi defnyddio Cronfa Darparwyr Preifat Chwaraeon Cymru

Rhoddir blaenoriaeth i brosiectau sydd yn y cymunedau mwyaf difreintiedig i sicrhau bod ein buddsoddiad cyfatebol yn cyrraedd y rhai mwyaf anghenus. Bydd hyn yn sefydliadau sy'n gwneud un neu'r ddau o'r canlynol:

• Darparu gweithgarwch mewn ardaloedd sy'n profi amddifadedd cymdeithasol ac economaidd, gan gynnwys cymunedau gwledig
• Gweithio gydag un neu fwy o'r grwpiau canlynol fel prif ffocws: pobl anabl; grwpiau economaidd-gymdeithasol isel; Pobl dduon, Asiaidd a phobl â chefndiroedd ethnig amrywiol eraill.

Byddwn yn dal i gefnogi prosiectau nad ydynt yn bodloni'r blaenoriaethau hyn, ond efallai y byddwn yn lleihau lefel yr arian cyfatebol a gynigir. Fel arfer, bydd arian cyfatebol yn amrywio o 30-50% o darged y prosiect.

Os caiff eich cais ei gymeradwyo, byddwch yn cael arian cyfatebol o hyd at 50% tuag at eich targed cyllido torfol cychwynnol, hyd at uchafswm o £15,000. Bydd y cynnig hwn yn ddilys am 4 wythnos ar ôl dyddiad yr hysbysiad, os na fyddwch yn lansio eich ymgyrch cyllido torfol o fewn 4 wythnos i'r hysbysiad, bydd y cynnig yn cael ei ad-drefnu.

I dderbyn addewid, bydd angen i chi wneud dau beth (yr 'amodau addewid'):

1. codi o leiaf 25% o'ch targed cychwynnol,

2. codi hyn o isafswm o Gefnogwyr unigryw yn seiliedig ar eich targed.

Yna, rhaid i chi barhau i godi arian i gyrraedd 100% o'ch targed ariannu a derbyn arian Chwaraeon Cymru.

Cyn gwneud cais, darllenwch Feini Prawf Cymhwysedd ac Addewid Chwaraeon Cymru. Cliciwch yma neu'r Saesneg neu yma am y Gymraeg

Mae'n ofynnol i bob prosiect a ariennir gytuno i Amodau Grant Lle i Chwaraeon Chwaraeon Cymru. Cliciwch yma am Saesneg neu yma ar gyfer Cymraeg